As primeiras páxinas deste libro son unha advertencia de como o creacionismo pretende gañar terreo nos Estados Unidos e de que xeito Europa comeza a ser obxectivo desta ideoloxía. Non hai dúbida que este perigo é unha das cousas que espolearon Jerry A. Coyne a escribilo. E disto é proba o mesmo libro e o blog que ten o mesmo título (Why evolution is true), un excelente recurso que actualiza aspectos tratados no libro, ademais de engadir outros.
“A evolución ofrécenos un relato certo das nosas orixes que substitúe aos mitos que durante miles de anos satisfixeron a nosa curiosidade. A algunhas persoas isto parécelles profundamente perturbador: a outras, inefablemente excitante.” páx 15.
A lectura deste libro permitiranos saber que argumentan os creacionistas en contra da evolución e como de erradas están estas obxeccións. Aparecen ao longo do texto para ser tombadas, de xeito respectuoso e razoada, unha detrás da outra, capítulo a capítulo.
“A aparición das especies ao longo do tempo, tal como pódese ver nos fósiles, está moi lonxe de ser aleatoria. Os organismos simples evolucionaron antes que os complexos, os antepasados que se predixeron, antes que os seus descendentes. Os fósiles máis recentes son os máis parecidos ás especies vivas. E dispoñemos de fósiles transicións que conectan os principais grupos. Ningunha teoría da creación especial, ningunha teoría que non sexa a evolución, pode explicar estes patróns.” páx 5.
Un motivo para comezar a súa lectura é simplemente somerxinos na compaña deste experto no fascinante tema da teoría da evolución. (Ata me sento tentado a recomendarvos non ler o prólogo, para evitar unha posible actitude belixerante polo tema do creacionismo). Certo que de libros divulgativos sobre a evolución hai uns poucos. Este ten cousas que a min me gustaron moito. Por unha banda, unha linguaxe próxima e clara que invita a proseguir a lectura. Para comprobalo só hai que ler o capítulo ‘Que é a evolución’ , deliciosamente aclaratorio e conciso: a perfecta introdución ao tema para calquera. Por outra, a inclusión de novas probas a partir de descubrimentos en xenética, que lle dan un valor engadido ao libro pola súa actualidade, e que están explicados de xeito sorprendentemente accesible.
E se as incursións do creacionismo son periódicas, tal como di o autor, outro motivo para lelo é recoller argumentos que nos permitan discernir que forma parte da teoría da evolución e que forma parte do dogma relixioso.
Jerry A. Coyne
If you enjoyed this article, please consider sharing it!
2 Responses to ‘Por qué la teoría de la evolución es verdadera’, de Jerry A. Coyne
Deixa un comentari
Blogues pola lingua
Eu participo. E ti?
Bitácora de aula de lingua
Letra en obras
Reto 2011
Miguelanxo Prado
Autores e autoras
Wikio
Chintófanos diversos
Parece incrible que a estas alturas sexa necesario un libro deste tipo. Non acabo de entender por que os creacionistas non aceptan a teoría da evolución; ao meu modo de ver, unha non exclúe a outra.
Ola Peke!
(Perdoa pola tardanza, estiven fora uns dias)
Hai autores, como por exemplo Stephen Jay Gould, que falan desta diversidade de mestrías. De acordo con estes a relixión serviría como guía moral e a ciencia como guía para entender o mundo natural. No capítulo 9 do libro Coyne fálanos desta resistencia a crer na teoría da evolución, explícanos como hai xente que di que “ten que haber algo máis aló”. En calquera caso, témome moito que Coyne non é destas persoas que ven esta compatibilidade….
Saúdos Peke
