‘La isla de las voces’, de Robert Louis Stevenson

Curioso e descoñecido para min este conto de Robert Louis Stevenson, que atopo na sala infantil dunha biblioteca pública (xunto aos libros de Gerónimo Stilton!). Quedo un pouco contrariado cando remato a súa lectura, pois non estou seguro que o texto estea dirixido a nenos e nenas de a partir de once anos. Se cadra as ilustracións de Alfredo Benavídez Bedoya, chulísimas, en branco e negro, densas en número de liñas como as impresións dixitais, confundiron ao bibliotecario.

A imaxe que máis me gusta é a de Kalamake, bruxo autoritario que non leira nada ben con Keola, marido da súa filla Lehua. O conto é unha historia de desavinza familiar e desaprobación. Kalamake intenta asustar a Keola. Conségueo provocando o naufraxio da súa barca. Este é rescatado por un barco, pero aproveita a escapar polo trato recibido. Deste xeito é como chega á illa das voces, lugar onde estivera antes sen sabelo. Pero da trama non vos vou a explicar máis.

Non é importante onde atopeis o libro, e si poder gozar deste texto de Stevenson recuperado dunha forma tan exquisita por esta editorial. Se o buscades nunha biblioteca, non deixedes de visitar a sala infantil. Seica importa o lugar onde atopar unha sorpresa?

Ilustración de Alfredo Benavídez Bedoya

STEVENSON, Robert Louis; BENAVÍDEZ BEDOYA, Alfredo (il). La Isla de las voces. (The Isle of Voices. 1893). Traducción: Marcial Souto. Barcelona: Libros del Zorro Rojo, cop. 2006. 32 p. 28 cm. (Biblioteca del faro: 3). ISBN 9788496509436.